【如果有一日我賣廣告】
突破咗6萬Likes，我仲欠你哋一句多謝! 一個冇明星效應，冇公司做後台撐腰，甚至冇任何剪片Video嘅Page，都可以得到你哋每一位俾Like，老套啲都要講一句，呢鑊真係死而無憾！
多咗Like，亦多咗人查詢落廣告，由於賣廣告並唔係呢個Page最初方向，所以突然俾咁多人「問價」，真係措手不及，虛心向一位Marketing前輩請教，佢用心良苦咁講咗句:「其實《辦公室日報》成日爆陰毒，又鬧啲公司請人點刻薄，我真係擔心你哋得罪班金主，所以有廣告就盡情接啦，唔好咁揀擇喇。」
結果呢? 都係連推咗幾個廣告，唔係唔聽前輩講，只係過唔到自己嗰關啫，唉，我都係冇發達架喇，好彩我唔係KOL，仲有份正職養住我，餓唔死嘅...暫時。
6萬個Like，廣告叫價力高咗，不過責任感亦都大咗，我愛錢，但係更愛你哋。(講完我都打冷震)
老老竇竇，有咩廣告你唔想我賣先? 幫幫手投票話我知，嗱，我一早估到你哋會投「其他」，然後留言叫我咩廣告都唔好賣，不過你知我呢個Page幾高危架啦，隨時俾人炒，話唔定聽日就失業，所以唔好封晒我後路，留返個飯盒我食啦！
唔想見到保險廣告俾 心心
唔想見到投資廣告俾 like like
唔想見到地產廣告俾 wow wow
職場信件懶人包：https://goo.gl/7dXtP2
Search